கரைந்தது

விடிகாலையில்
தொந்தரவு செய்யும்
எழுத வேண்டிய
புத்தகத்தின் தலைப்பு

பல் துலக்கத் துவங்கியதும்
மறைந்துவிடும்
அவ்வப்போது மின்னலிடும்
கவிதை வரிகள்
வேலையிருளில் கரைந்துவிடும்

களைத்துத் தூங்க ஆரம்பிக்கும் போது
மெதுவாக வருடும்
வரிகளின் அழகில் மயங்கி
உறங்கும் இரவு

இன்னும் சில நாட்களில்
எவனோ ஒருவன்
எழுதியிருப்பான்
நான் தொலையவிட்ட
வரிகளை

வார்த்தைகள்
பறவைகள் போல
லௌகிகத்தின் கத்திக்குக்
கழுத்தைத் தராமல்
தப்பித்து
வானில் பறந்துவிடும்\

எங்காவது
பச்சை மரத்தின் கிளைகளில் தங்கும்

அவற்றில் குரலில்
ஏதாவதொரு கவிஞன்
தன் கனவைப் பதித்திருப்பான்