Tuesday, May 02, 2017

வருகை

மாதம் ஒருமுறை
இரண்டாவது ஞாயிற்றுக் கிழமை
சாக்லெட் பாக்கெட்டுகள்
அந்த நேரத்து லேடஸ்ட் பொம்மைகளுடன்
அடுத்த முறை வரும்போது
என்ன வாங்கிவர வேண்டும்
என்ற கேள்வியுடன்

புன்னகையை மறைத்துக் கொண்டு
கதவைத் திறக்கும் போது
அம்மாவுக்கும் தெரியும்
மணியடிப்பது யாரென்று..

கண்களில் தெரியும் ஒளியை
ஊதி அணைத்துவிட்டு
வருகிறவரின்
கண்களைப் பார்க்க
விரும்பியும் விரும்பாமல்
பார்க்க நேர்ந்து
காபி கொடுத்து உபசரித்தாலும்...

இப்படித்தான் வருகிறார்
கோர்ட் தீர்ப்புப்படி
அப்பா
எப்போதும் காத்திருக்கிறேன்
நான்


No comments:

Post a Comment