எனக்கு அநீதி இழைத்த
எல்லோரையும்
மன்னிக்கத் தயாராக இருக்கிறேன்
அவர்கள் வருவார்களா என்று
அறியவில்லை
என்னால் அநீதி இழைக்கப்பட்ட
எல்லோரிடமும்
மன்னிப்புக் கேட்கத் தயாராக
இருக்கிறேன்
அவர்களைக் காண்பது
இயலுமா என்று தெரியவில்லை
நான் நல்லவன் என்பதாலோ
இயலாதவன் என்பதாலோ அல்ல
வேறு மாதிரி வாழ்ந்திருக்கலாம்
என்று நினைக்கிறேன்
அது முடியாததால்
இனியேனும் அப்படி
நிகழாதபடி
பார்த்துக் கொள்ள விழைகிறேன்
அன்பின் மூலம்
என் பாவங்களைக் கழுவ விரும்புகிறேன்
சொர்க்கத்திற்குப் போவதற்காக அல்ல
இங்கேயே வாழும் நரகத்தில்
குளிர்காற்றாய் வீச நினைக்கிறேன்
நீங்கள் சொல்வதை
நானும்
நான் சொல்வதை நீங்களும்
ஏற்றுக் கொள்ள வேண்டும்
என்று எதுவும் இல்லை
No comments:
Post a Comment